Sangkomunidad

TAMPOK

HOME
HUNTAHAN
TAMPOK
AMBAG-AKDA
BATANG-SINING
RETRATUHAN
SANGAY PAMPANITIKAN
CCP HOMEPAGE
LINKS

LOGO: CARLOS V. FRANCISCO'S "BAYANIHAN"

HERMINIO S. BELTRAN, JR.

Ang Talinghaga ng Puso:

Saanmang Dako, Alinmang Panahon

(sa Introduksyon ng Ani 31)

TO MESSAGE BOARD!

NEED SPACE FOR YOUR THOUGHTS?

Tula: "Abril, at isa pang tula sa taglagas" ni Edgar Bacong

Pakiramdaman ang nasasaloob ng makatang tubong-Dabaw na ngayo'y aktibong bahagi ng pamayanang Pilipino-Suwiso, habang ang kubling damdaming yao'y sinasalamin ng pamilyar niyang pagtatala ng mga bagay sa kapaligiran.

Tula: "Bolase atbp." ni Maricristh T. Magaling

Damahin ang mga sensitibong taludtod ng isang makatang Bulakenya, at mawawari ninyong singgaling siya ng kanyang pangalan.

Kuwento: "Kalaguyo" ni Abdon M. Balde, Jr.

Isang nakakaintriga at marubdob na kuwentong erotika ang tampok natin ngayong linggong ito, mula sa prolific at batikang manunulat ng Oas, Albay.

GUSTO MO PA? Kung papasukin kang muli ni Balde sa bitag ng hiwaga? Paakay kay Somoza sa kaligiran ng kuwentong Siquijor? Mag-alab sa Kinaray-a ni Asenjo? Matulala sa matipid na haraya ng Waray ni Oyzon? Padala sa agos ng taludtod ni Torralba? Ng hibo ng libog at poot ni Uy? Mamaybay sa pagkabalisa sa ilog ni Santos? Magkawisyo't maperwisyo sa sangkatutak na Nadera???
 
Nagpapasalamat kami sa lahat ng sumusuporta sa ating "Ambag-Akda." Kung hindi pa nakasama rito ang iyong gawa, huwag magsawa sa pagpapadala. Sigurado, sa susunod, kasama ka na!
 

DITO NGA!

Recommend this Site!

Their E-Mail:
Your E-Mail:
Your Name:
Comments:
Receive Copy
Powered by CGISpy.com

"Let us build a place for them.
 
And let them all come!"
 
- SANGKOMUNIDAD

Ang Talinghaga ng Puso:

Saanmang Dako, Alinmang Panahon

Pag-ibig ang tema ng ANI 31.

 

Pinalawig sa tomong ito ang “Talinghaga ng Puso” na siyang tema ng proyektong Ritmo at Talinghaga (Music and Poetry) na itinanghal ng Sangay para sa Panitikan ng Sentrong Pangkultura ng Pilipinas noong Pebrero 24, 2004 sa UP Molave Residence Hall. Sa pakikilahok ng mga makata at iba pang alagad ng sining, at sa pakikipagtulungan ng iba’t ibang grupong pangkampus, ng Unibersidad ng Pilipinas, iba’t ibang aspekto ng pag-ibig ang itinampok: pag-ibig sa bayan, pag-ibig ng lalaki sa babae, pag-ibig ng lalaki sa lalaki, pag-ibig ng babae sa lalaki, pag-ibig ng babae sa babae. Binasa rin ang ilang piling tula ng pag-ibig ng tatlong kontemporaneong makatang pumanaw na: Emmanuel Lacaba, Romulo Sandoval at Maningning Miclat. Mapagpalaya ang masining na gawaing ninais simulan sa kampus ng UP. 


Kinaray-a treat from Genevieve Asenjo.


Feel the Bicolano heat in Jason Chancoco's poems.

Buwan noon ng mga puso subalit patuloy na mapanghamon para sa mga makata at manunulat sa iba’t ibang dako ng Pilipinas ang paksaing pag-ibig. Maliban sa mga sariwang tulang binasa sa pagtatanghal noong Pebrero 2004, kabilang sa tomong ito ang mga akda, kasama ang mga maikling kuwento, na naglalarawan ng mga bagong mukha at tumatalakay sa mga bagong alalahanin at usapin tungkol sa pag-ibig. Angkop ang anumang buwan o araw sa paglikha at pakikipagtalastasan tungkol sa pag-ibig.


VLMA Department Manager Sid Hildawa reading his errotic poem in English.

Madaling mahulog sa bangin ng gasgas na paglalarawan at patakbuhing banghay sa pagkatha hawak ang materyal na mahigpit ang kaugnayan sa paksang pag-ibig. Madalas mapahamak ang mga baguhang makata at kuwentista sa hila ng tradisyunal at komersyal na pagpapahayag ng isip at damdamin, kuwento at karanasan. Ang resulta: walang kamalay-malay na pagkopya mula sa mga lumang awitin at pag-uulit ng mga naratibong laos na. Subalit ang tema ng pag-ibig ay kaakibat ng buhay at kasaysayan, at laging sumisibol sa karanasan sa alinmang panahon. Kailangan lamang maging matalas ang sensibilidad at masining sa paggamit ng wika upang mapagtagumpayan ng manunulat ang hamon ng kanyang panahon.

Tatlong bagong premyadong maikling kuwento sa orihinal na wika -- Iluko, Hiligaynon at Cebuano -- kasama ang salin sa Filipino ng mismong may-akda ang matatagpuan sa ANI 31. Nakikita rito ang pananagumpay ng mga manunulat mula sa mga rehiyon sa kanilang pagsusumikap na mapabilang sa proyektong pambansa: ang pagpapayaman ng pambansang wika at panitikan. Ambag ng Sentro ang paglalathala ng mga akda upang dumami ang materyales para sa pagtuturo ng panitikang Pilipino. 

Sinasalamin ng mga pahina ng ANI 31 ang patuloy na pagsusumikap ng mga malikhaing manunulat, datihan man o baguhan,  sa iba’t ibang dako ng bansa na palaguin ang sining pampanitikang Pilipino.

 

Herminio S. Beltran, Jr., Patnugot

SILIP...   Ilang Akda mula sa Koleksyon

Kuwento: "Anim na Sabado ng Beyblade" ni Ferdinand Pisigan Jarin

Tula: "Bus Pasiring sa Pili, Camarines Sur" ni Carlo A. Arejola

Tula: "Sa Nobyo nga Indi Nangin" ni Genevieve L. Asenjo

Tula: "Basang Papel Ining Tamong" ni Jason L. Chancoco

Tula: "To the One Sleeping With Me Tonight" by Sid Hildawa

For inquiries and reservations, please call the Marketing Department at Tel Nos. 832-3681, 832-3878, 551-7930, 832-1125 loc. 1800 to 1807 or email us at marketing@culturalcenter.gov.ph

NAPAPANAHON...

Victor Emmanuel D. Nadera, Jr.: TX2LA?

EKSPLOSIBO!

EKSPLOSIBO...

Literary Arts Division, 4th Flr., Cultural Center of the Philippines, Roxas Blvd., Pasay City 1300 Philippines
Tel. No. 832-1125 loc. 1706, 1707